Ўзбекистон U-20 терма жамоаси Тожикистонни йирик ҳисобда мағлуб этди

Тошкент, Ўзбекистон (UzDaily.uz) — Жамолиддин Раҳматуллаев бошчилигидаги Ўзбекистон U-20 терма жамоаси CAFA U-20 Championship турнири доирасида Тожикистон ёшлар терма жамоаси устидан ишончли ғалабага эришди.

Учрашув ўзбекистонлик футболчиларнинг 3:0 ҳисобидаги ғалабаси билан якунланди. Ўйиннинг асосий воқеалари иккинчи бўлимда юз берди. Абраев 51-дақиқада пенальтини аниқ амалга ошириб, ҳисобни очди.

Қўшимча вақтнинг 90+7-дақиқасида у дубль муаллифига айланди. Худди шу 90+7-дақиқада Толкинбеков ҳам пенальтидан гол уриб, жамоасининг учинчи голини киритди.

Ўзбекистон U-20 терма жамоаси кейинги учрашувини 19 май куни Туркманистон U-20 жамоасига қарши ўтказади.