Қаҳрамон Исроилов Ўзбекистон ҳарбий прокурори этиб тайинланди

Тошкент, Ўзбекистон (UzDaily.uz) — Ўзбекистон президенти Шавкат Мирзиёев ўз фармони билан Отабек Холбоевни Ўзбекистон Республикаси Бош прокурори ўринбосари — мамлакат Ҳарбий прокурори лавозимидан озод қилди.

Давлат раҳбарининг бошқа фармони билан Қаҳрамон Исроилов Ўзбекистон Республикаси Бош прокурори ўринбосари — Ҳарбий прокурор лавозимига тайинланди.

Ушбу тайинловга қадар Қаҳрамон Исроилов ҳарбий прокурор ўринбосари сифатида фаолият юритган.

Эслатиб ўтамиз, Отабек Холбоев 2025 йил май ойида Ўзбекистон Бош прокурори ўринбосари — Ҳарбий прокурор лавозимига тайинланган эди.