Тошкент, Ўзбекистон (UzDaily.uz) — 6 август куни Ўзбекистон Республикаси ташқи ишлар вазири Бахтиёр Саидов ва Иордания Бош вазири ўринбосари, ташқи ишлар ва экспатриация масалалари бўйича вазири Айман Сафади ўртасида телефон орқали мулоқот бўлиб ўтди.

Суҳбат чоғида томонлар икки томонлама кун тартибига доир масалаларни муҳокама қилдилар ва жадал ривожланаётган алоқаларни янада чуқурлаштириш истагини билдирдилар.

Иқтисодий ҳамкорликни кенгайтириш, туризм алмашинувини ривожлантириш ва икки мамлакат ўртасидаги ўзаро ҳамкорликни мустаҳкамлаш учун янги имкониятларни излашга алоҳида эътибор қаратилди.

Суҳбатдошлар минтақавий барқарорлик ва барқарор фаровонликни таъминлашга қаратилган ўзаро манфаатли ташаббуслар ва қўшма лойиҳаларни фаол илгари суришга тайёр эканликларини тасдиқладилар.