Тошкент, Ўзбекистон (UzDaily.uz) — Тошкент халқаро аэропортида қимматбаҳо зеб-зийнат буюмларини ноқонуний равишда олиб кириш уринишининг олди олинди, деб хабар берди «Тошкент-АЭРО» божхона мажмуаси матбуот хизмати.

Кеча, 7 август куни, божхона ходимлари Бишкекдан келган йўловчини тўхтатиб, у олмослар билан безатилган кумуш ва олтиндан тайёрланган зеб-зийнат буюмларини ички кийимига яширган ҳолда олиб киришга урингани аниқланди.

Жамланма оғирлиги 412 граммни ташкил этган ушбу буюмларнинг қиймати 550 миллион сўмга баҳоланган. Ҳозирги пайтда дастлабки терговга қадар текширув ишлари олиб борилмоқда.