Тошкент, Ўзбекистон (UzDaily.uz) — Таиландда ўтаётган бокс бўйича U19 ва U22 ёш тоифаларидаги Осиё чемпионати доирасида Ациан Бохинг ташкилотининг Конгресси бўлиб ўтди. Мазкур анжуманда ташкилот раҳбарияти таркиби шакллантириб олинди.

Қувонарлиси, Ўзбекистон бокс федерацияси раиси биринчи ўринбосари Сакен Полатов Asian Boxing ташкилотининг вице-президенти лавозимига сайланди.

Ўзбекистон Миллий Олимпия қўмитаси Сакен Джетибаевични ушбу нуфузли лавозимга сайланганлиги билан табриклайди ҳамда масъулиятли фаолиятида муваффақият ва куч-ғайрат тилайди.