Тошкент, Ўзбекистон (UzDaily.uz) — 2025 йилнинг 1 август ҳолатига республика бўйича жами 129 826 та объектга умумий қуввати 1 650 МВтга тенг бўлган кичик қувватли қуёш панеллари ўрнатилган.

Хусусан, 19 минг 904 та ижтимоий объектда 376,9 МВт қувватга эга қуёш электр станциялари, 29 минг 678 та тадбиркорлик объектида 885,4 МВт, 78 минг 140 та турар-жой объектида 361,1 МВт қувватга эга қуёш электр станциялари, 2 минг 104 та кўп қаватли уйга умумий қуввати 26,6 МВт бўлган панеллар ўрнатилди.

2025 йилнинг етти ойида ушбу қуёш панеллар орқали 875 млн кВт⋅соат электр энергия ишлаб чиқарилган бўлиб, бунинг натижасида 265 млн метр куб табиий газ тежалишига эришилган ва 294 минг тонна зарарли газларнинг атмосферага чиқишини олди олинган.