Тошкент, Ўзбекистон (UzDaily.uz) — Ўзбекистонда ҳар қандай шахс ёки ташкилотнинг мажбурий ижро ишлари бўйича қарзи мавжуд ёки йўқлигини онлайн тарзда текшириш имконини берадиган янги сервис ишга туширилди. Бу ҳақда Мажбурий ижро бюроси (МИБ) хабар берди.

Сервис очиқ ҳисобланади ва МИБнинг расмий веб-сайтида жойлаштирилган. Унда молиявий мажбуриятларни бажармагани учун тўловга лаёқатсиз ёки виждонсиз деб топилган шахслар рўйхати мавжуд.

Текшириш учун керак бўлади:

Жисмоний шахс учун — ПИНФЛ;

Юридик шахс учун — СТИР (ИНН).

Янги реестр турли келишувлар тузишда молиявий ишончлиликни олдиндан баҳолашга ёрдам берадиган фойдали восита бўлиши кутилмоқда.

Қарздорлар реестрдан фақат қарзни тўлиқ тўлаганидан кейин чиқарилиши мумкин. Тўлов амалга оширилгандан сўнг, ушбу ижро ишини юритувчи МИБнинг тегишли ҳудудий бўлимига мурожаат қилиш талаб этилади.

Агар маълумотда хатолик аниқланса ёки қўшимча тушунтириш талаб этилса, қуйидаги рақамлар орқали мурожаат қилиш тавсия этилади: 1107 (қисқа рақам), +998 71 231-11-07