Тошкент, Ўзбекистон (UzDaily.uz) — Туркманистоннинг Авоза шаҳрида бўлиб ўтаётган БМТнинг денгизга чиқиш имконияти бўлмаган ривожланаётган мамлакатлар бўйича III конференцияси (LLDC3) доирасида Ўзбекистон Республикаси адлия вазири Акбар Ташкулов қатор муҳим учрашувларда қатнашди.

Адлия вазири А. Ташкулов форумдаги чиқишида фуқаролик жамиятининг ижтимоий-иқтисодий ислоҳотлардаги ўрни, минтақавий интеграция va иқлим барқарорлигига эришишдаги аҳамияти, шунингдек, фуқаролик ташаббуслари орқали тизимли муаммоларни ҳал қилиш зарурлигини таъкидлади.

Акбар Ташкулов: Фуқаролик жамияти бу шунчаки ҳамкор эмас. Бу давлат va халқ ўртасидаги кўприк. Бу – муаммолар билан биринчи бўлиб тўқнаш келганларнинг овозидир. Айнан фуқаролик ташаббуслари тизимли муаммолар ҳақида биринчи бўлиб бонг уради, инновацияларни илгари суради va давлатларни инсон эҳтиёжларига яқинлаштиришга ёрдам беради. Ўзбекистонда бундай ташаббусларни амалга ошириш учун барча зарур шарт-шароитлар яратилган

Шунингдек, Туркманистон адлия вазири Мереттаган Таганов билан учрашув ўтказилди. Томонлар 2022 йилда қабул қилинган ҳамкорлик дастурининг муваффақиятли якунланганини қайд этиб, янги дастур лойиҳаси доирасида қуйидаги йўналишларда ҳамкорликни кучайтиришга келишиб олдилар:

• адлия тизимини рақамлаштириш;
• сунъий интеллект технологияларини жорий қилиш;
• адвокатура va медиация ривожи;
• юридик кадрлар тайёрлаш борасида тажриба алмашиш.

Учрашувда, шунингдек, Марказий Осиё va бошқа ривожланган давлатларнинг адлия органлари билан кўп томонлама ҳамкорликни кенгайтириш масалалари ҳам муҳокама қилинди.