Тошкент, Ўзбекистон (UzDaily.uz) — 2025 йил 1 июл ҳолатига кўра, Ўзбекистон тижорат банкларида жойлаштирилган депозитларнинг умумий ҳажми 355,62 трлн сўмни ташкил этди. Бу ҳақда Марказий банк маълумот берди.

Давлат иштирокидаги банклар 183,97 трлн сўм миқдорида депозит жалб қилган бўлиб, бу умумий ҳажмнинг 52 фоизини ташкил қилади. Хусусий банклар ҳиссаси эса 171,66 трлн сўм ёки 48 фоизга тенг.

Депозит базаси бўйича етакчи ўринни Ўзмиллийбанк эгаллаб, 44,55 трлн сўмлик депозитга эга бўлди. Бу банк тизимидаги умумий депозитлар ҳажмининг 13 фоизига тенг.

Иккинчи ўринда — Капиталбанк, ундаги депозитлар 38,18 трлн сўмни (11%) ташкил қилади. Учинчи ўрин — Ўзсаноатқурилишбанкига тегишли бўлиб, у 27,17 трлн сўмлик (8%) депозитга эга.

Хусусий банклар орасида ҳам Хамкорбанк (12,73 трлн сўм) ва Ипак Йўли банки (11,88 трлн сўм) кўрсаткичлари билан ажралиб туради.

Энг кичик депозит ҳажми Смарт банкда (23 млрд сўм), Эрон Садерат банкида (54 млрд сўм) ва Янги банкда (353 млрд сўм) қайд этилган. Евросиё банки эса депозит жалб қилмаган.

Давлат банклари орасида энг паст кўрсаткич Туронбанк (5,72 трлн сўм), Алоқабанк (14,80 трлн сўм) ва Микрокредитбанкка (8,76 трлн сўм) тегишли.