Тошкент, Ўзбекистон (UzDaily.uz) — Ўзбекистон миллий терма жамоаси ва Италиянинг «Рома» клуби ҳужумчиси Эльдор Шомуродов А Сериянинг 26-тури доирасида «Монца»га қарши учрашувда ўзини кўрсатди.

Ўйиннинг 10-дақиқасида у Алексис Салемакерсга аниқ пас узатиб, голли ассист муаллифи бўлди.

22 дақиқадан сўнг Шомуродов ўзи ҳам гол урди — у самарали бош зарбаси билан тўпни дарвозага йўллади.

Иккинчи бўлимда Анхелиньо (73-дақиқа) ва Брайан Кристанте (88-дақиқа) ўз голлари билан «Рома»нинг устунлигини мустаҳкамлади ва жамоага ишончли ғалабани таъминлади.