Тошкент, Ўзбекистон (UzDaily.uz) — Centrum Air авиакомпанияси Самарқанд – Сочи йўналиши бўйича мунтазам тўғридан-тўғри парвозларни амалга оширишни бошлади.

Ушбу янги йўналиш Самарқанд аҳолиси ва меҳмонлари учун Россиянинг Қора денгиз бўйида жойлашган машҳур курорт шаҳри Сочига қулай бориш имконини яратади.

Жадвалга кўра, парвозлар ҳафтасига икки марта — чоршанба ва шанба кунлари амалга оширилади.

Самарқанд халқаро аэропортидан учиш — соат 05:05

Сочига етиб бориш — соат 06:50

(Ҳар икки аэропорт вақти маҳаллий вақтга кўра кўрсатилган).

Ушбу йўналишнинг очилиши Ўзбекистон ва Россия Федерацияси ўртасидаги сайёҳлик ҳамда ишбилармонлик алоқаларини ривожлантиришга хизмат қилади ва йўловчилар учун мавжуд ҳаво йўналишлари географиясини кенгайтиради.