Тошкент, Ўзбекистон (UzDaily.uz) — “Asian Chemical Group” МЧЖ Деҳқонабод калий заводининг ягона эгасига айланди, дея хабар берди корхона ягона корпоратив ахборот порталида.

Эълон қилинган маълумотларга кўра, Asian Chemical Group эндиликда завод устав капиталидаги улушнинг 100 фоизига эга.

ЕГРAО маълумотларига кўра, Asian Chemical Group компанияси 2024 йил ноябрь ойида рўйхатдан ўтган. Унга Илгиз Валиуллин раҳбарлик қилади, у 2025 йил феврал ойида Деҳқонабод калий заводи кузатув кенгашига киритилган. Компаниянинг таъсисчиси сифатида “OV Industrial Investments LLC-FZ” чиқади.

Деҳқонабод калий ўғитлари заводи 2010 йил сентябрь ойида “Ўзкимёсаноат” ДАК томонидан фойдаланишга топширилган. Лойиҳа қиймати 123,7 млн АҚШ долларини ташкил қилган, қуввати эса йилига 200 минг тонна маҳсулот ишлаб чиқаришга мўлжалланган. Қурилишнинг бош пудратчилари сифатида ЗУМК ва CITIC иштирок этган.

Кейинчалик иккинчи навбат амалга оширилиб, йилига 400 минг тонна калий хлориди ишлаб чиқариш мўлжалланган бўлиб, ундан 75 фоизи экспорт қилиниши режалаштирилган.

Лойиҳанинг мақсади — корхона умумий ишлаб чиқариш қувватини йилига 600 минг тоннага етказиш.