Тошкент, Ўзбекистон (UzDaily.uz) — «Асакабанк» АЖ Ягона корпоратив ахборот портали маълумотларига кўра, янги оддий акциялар эмиссиясини рўйхатдан ўтказди.

Ушбу чиқарилиш доирасида банк умумий қиймати 609,39 млрд сўм бўлган 4 383 795 387 дона оддий акцияни жойлаштиради. Бир акциянинг номинал қиймати 139,01 сўмни ташкил этади.

Қимматли қоғозлар ёпиқ обуна тартибида жойлаштирилади. Бундан олдин, 2025 йил июль ойида банк акциядорлари тақсимланмаган 641,46 млрд сўм фойдани устав капиталига қўшиш тўғрисида қарор қабул қилган эди.