Тошкент, Ўзбекистон (UzDaily.uz) — 2025 йилнинг биринчи чорагида Ўзбекистонда ипотека кредитларига 4,4 трлн. сўм йўналтирилгани ҳақида Марказий банк хабар берди.

Ушбу маблағнинг 3 трлн. сўми Молия вазирлиги томонидан ажратилган, 1,1 трлн. сўм — тижорат банклари томонидан, яна 310 млрд. сўм эса Ипотека рефинансирлаш компаниясидан келиб тушган.

Апрель бошига келиб, ипотека кредитларини 15 мингта Ўзбекистон фуқароси олган, шунингдек, қарз олувчиларнинг асосий қисмини (63%) эркаклар ташкил этмоқда. Барча ипотека кредитларининг 75% янгидан қурилган биноларни сотиб олиш учун йўналтирилган.

1 апрельга келиб ипотека кредитларининг қолдиғи 70,1 трлн. сўмни ташкил этди.