Toshkent, O‘zbekiston (UzDaily.uz) — 1-iyul kuni Xiva shahrida Birinchi O‘zbekiston-Ozarbayjon parlamentlararo forumi doirasida O‘zbekiston Respublikasi Oliy Majlisi Senati Raisi Tanzila Narbayevaning Ozarbayjon Respublikasi Milliy Mejlisi Raisi Sahiba Gafarova bilan uchrashuvi bo‘lib o‘tdi.

Suhbat chog‘ida ikki davlat rahbarlarining siyosiy irodasi tufayli O‘zbekiston-Ozarbayjon munosabatlari yuksak darajaga ko‘tarilgani hamda ittifoqchilik, o‘zaro ishonch va hurmat ruhida rivojlanib borayotgani taʼkidlandi.

Parlamentlararo muloqot izchil rivojlanib borayotgani va hamkorlikning institutsional bazasini mustahkamlash muhimligi taʼkidlandi. Muzokaralar chog‘ida raqamlashtirish, innovatsion rivojlanish, taʼlim, atrof-muhitni muhofaza qilish, iqlim  va yoshlarni qo‘llab-quvvatlash kabi yo‘nalishlarda parlamentlararo tajriba almashishni kengaytirishga alohida eʼtibor qaratildi.

Tegishli qo‘mitalar va komissiyalar o‘rtasidagi aloqalarni faollashtirish, shuningdek, parlament delegatsiyalarining muntazam tashriflari almashinuvi zarurligi taʼkidlandi.

Shuningdek, tomonlar Qo‘shilmaslik harakatining parlament tarmog‘i, Osiyo Parlament assambleyasi, Parlamentlararo ittifoq kabi xalqaro va mintaqaviy parlamentlararo tuzilmalar doirasida hamkorlikni mustahkamlashdan manfaatdor ekanligini bildirdi.

Shu bilan birga, parlamentlararo forumning boy va mazmunli kun tartibi qayd etildi, uning doirasida strategik sheriklik va gumanitar aloqalarni mustahkamlashda parlamentlarning rolidan tortib, global tahdidlarga birgalikda javob berish va barqaror rivojlanishni rag‘batlantirishgacha bo‘lgan asosiy masalalar muhokama qilinmoqda.

Muzokaralar yakuni bo‘yicha 2025-2026-yillarga mo‘ljallangan Parlamentlararo hamkorlikni rivojlantirish bo‘yicha amaliy chora-tadbirlar rejasi ("yo‘l xaritasi"), shuningdek, O‘zbekiston va Ozarbayjon o‘rtasidagi parlament hamkorligini institutsionallashtirishda muhim qadam bo‘ladigan Parlamentlararo komissiya faoliyati reglamenti imzolandi.