Toshkent, O‘zbekiston (UzDaily.uz) — 14 iyundan boshlab Uzbekistan Airways aviakompaniyasi Toshkent va Islomobod o‘rtasida to‘g‘ridan-to‘g‘ri aviaqatnovlarni amalga oshirishni boshlaydi. Chipta narxi 2,6 million so‘mdan boshlanadi.

Reyslar haftada bir marta — shanba kunlari amalga oshiriladi.

Chiptalarni aviakompaniyaning rasmiy veb-sayti va mobil ilovasida, shuningdek Uzbekistan Airways Sales filiallari va rasmiy agentlar orqali xarid qilish mumkin.

Eslatib o‘tamiz, 2024 yil kuzidan boshlab Uzbekistan Airways Toshkentdan Lahor shahriga ham reyslarni amalga oshirmoqda. 2025 yil iyun boshida ushbu yo‘nalishdagi chiptalar narxi 2,7 million so‘mdan boshlanmoqda.