Toshkent, O‘zbekiston (UzDaily.uz) — Bugun, 2025 yil 4 avgust kuni soat 03:02 da Surxondaryo viloyati Sho‘rchi tumanidagi Bobotog‘ mahallasida joylashgan uch qavatli savdo markazida yong‘in sodir bo‘ldi.

Favqulodda vaziyatlar vazirligi matbuot xizmati maʼlumotiga ko‘ra, markazining birinchi va ikkinchi qavatlarida yong‘in sodir bo‘lgan

Tezkor ravishda 10 ta yong‘in-qutqaruv ekipaji va 2 ta suv tashuvchi texnika jalb etilgan. Yong‘in-qutqaruvchilar soat 03:15 da voqea joyiga yetib borgan va yong‘in soat 05:10 da o‘rab olingan, to‘liq o‘chirish ishlari esa soat 07:30 da yakunlangan.

Hozirgi paytgacha yong‘in oqibatida jabrlanganlar to‘g‘risida maʼlumot kelib tushmagan.