Toshkent, O‘zbekiston (UzDaily.uz) — 2025 yil 24 aprel holatiga ko‘ra, 1 AQSH dollari 12 873 so‘m etib belgilandi. Bir hafta ichida so‘m 0,63%ga mustahkamlandi. Avvalgi haftada u 0,10%ga o‘sgan edi — bu esa bozorda so‘m uchun yaxshi trend shakllanayotganini va mustahkamlanayotganini anglatadi.

Shuningdek, 20 fevraldan 14 aprelgacha kuzatilgan so‘mning pasayishi natijalari to‘liq bartaraf etilganiga eʼtibor qaratish lozim. So‘mning kuchayishi, ehtimol, Rossiya rublining ijobiy dinamikasi bilan bog‘liq, chunki avval buzilgan korrelyatsiya tiklangan.

O‘zbekistondagi ichki yangiliklar foni ham barqaror. Odamlar his etgan inflyatsiya darajasi pasaymoqda. O‘rtacha daromadga ega aholi qatlamiga ko‘ra, isteʼmol narxlari indeksi tushayotgani kuzatilmoqda. Hozirgi kunda bu indeks 2024 yil dekabridan beri eng past darajada turibdi.

Bu esa so‘m uchun ijobiy signal sifatida baholanadi.

Analitiklar xulosasiga ko‘ra, aprel oyining oxirgi haftasida dollar/so‘m juftligi 12 800 — 12 950 so‘m oralig‘ida harakatlanishi kutilmoqda.

Anna Bodrova, “Alpari” tahlilchisi