Toshkent, O‘zbekiston (UzDaily.uz) — Shanxay hamkorlik tashkiloti (SHHT) Qirg‘iziston Respublikasi, Tojikiston Respublikasi va O‘zbekiston Respublikasi o‘rtasida davlat chegaralari tutash nuqtasi to‘g‘risidagi Shartnoma imzolanishini olqishladi. Bu haqda tashkilot bayonotida aytib o‘tilgan.

Hujjat 31 mart kuni Xo‘jand (Tojikiston) shahrida O‘zbekiston, Qirg‘iziston va Tojikiston davlat rahbarlari uchrashuvi davomida imzolandi.

SHHT ushbu qadam uch davlat o‘rtasida o‘zaro ishonch va yaxshi qo‘shnichilik munosabatlarini mustahkamlashda muhim ahamiyatga ega ekanini taʼkidladi.

SHHTga aʼzo davlatlar mazkur Shartnoma imzolanishi mintaqada tinchlik va barqarorlikni taʼminlashga muhim hissa qo‘shishini qayd etdilar.