Toshkent, O‘zbekiston (UzDaily.uz) — Bugun Prezident Shavkat Mirziyoyev hududlar rivoji va islohotlarning joylardagi amalga oshirilishi bilan tanishish maqsadida Qashqadaryo viloyatiga tashrif buyuradi.

Tashrif doirasida sanoat, tibbiyot, turizm, energetika sohalaridagi korxonalar va obyektlar bilan tanishish, shuningdek, mahallalarda amalga oshirilayotgan obodonlashtirish ishlarini ko‘zdan kechirish rejalashtirilgan.

Bundan tashqari, viloyatning ijtimoiy-iqtisodiy rivojlanishi bo‘yicha kelgusi vazifalar muhokamasiga bag‘ishlangan yig‘ilish o‘tkazilishi ham ko‘zda tutilgan.