Toshkent, O‘zbekiston (UzDaily.uz) — "PREMIER Electrotech" kompaniyasi 2024–2025-yillarda o‘zining eksport salohiyatini sezilarli darajada kengaytirmoqda.

Kompaniyaning eksport hajmi 2024-yilda $3 million dollarni tashkil etgan bo‘lsa, 2025-yilga mo‘ljallangan eksport rejasi — $15 million dollarga teng!

"PREMIER Electrotech" kompaniyasi 2024-yilda Rossiya, Ozarbayjon, Qozog‘iston, Pokiston va Saudiya Arabistoni kabi davlatlarda o‘tkazilgan xalqaro ko‘rgazmalarda faol ishtirok etdi.

2025-yil uchun asosiy eksport bozorlari: Ozarbayjon – $2 mln, Rossiya – $2 mln, Qozog‘iston – $3.5 mln, Tojikiston – $5 mln

Qirg‘iziston bilan ham eksport bo‘yicha muzokaralar olib borilmoqda.

Kompaniya tomonidan 10 dan ortiq turdagi maishiy texnika mahsulotlari — sovutkich, televizor, gaz plita, konditsioner, changyutgich, kir yuvish mashinasi, dudbo‘ron, mikroto‘lqinli pech va boshqalar eksport qilinmoqda.

O‘zbek brendi sifatida "PREMIER Electrotech" mintaqaviy bozorlarda o‘z o‘rnini mustahkamlab, eksport geografiyasini kengaytirishda davom etmoqda.