Toshkent, O‘zbekiston (UzDaily.uz) — 2025 yilning yanvar–iyun oylarida O‘zbekistonning tashqi savdo aylanmasi (TSA) 37,0 milliard AQSH dollarini tashkil etib, 2024 yilning shu davriga nisbatan 5 123,0 million dollarga yoki 16,1% ga oshgan. Bu haqda Milliy statistika qo‘mitasi maʼlum qildi.

Umumiy TSAning 16 886,7 million dollari eksport, 20 133,2 million dollari esa import hissasiga to‘g‘ri kelgan. Eksport 2024 yilning shu davriga nisbatan 29,1% ga, import esa 7,0% ga o‘sgan. Shunga ko‘ra, tashqi savdo balansi manfiy bo‘lib, -3 246,5 million dollarni tashkil etdi.

O‘zbekiston jahonning 194 davlati bilan savdo aloqalari yuritgan. Eng yirik tashqi savdo aylanmasi Xitoy (17,7%), Rossiya (16,3%), Qozog‘iston (6,0%), Turkiya (3,6%) va Koreya Respublikasi (2,3%) bilan amalga oshirilgan.

Eksport tarkibida tovarlar 76,0% ni tashkil qilgan, shu jumladan sanoat mahsulotlari — 10,9%, oziq-ovqat mahsulotlari va tirik hayvonlar — 7,2%, kimyoviy moddalar va shunga o‘xshash mahsulotlar — 5,8%, turli tayyor mahsulotlar — 4,3% ni tashkil etgan.

2025 yilning yanvar–iyun oylarida O‘zbekistonning asosiy eksport sheriklari quyidagi davlatlar bo‘lgan: Rossiya (12,1%), Xitoy (5,4%), Qozog‘iston (4,0%), Afg‘oniston (3,6%), Turkiya (3,0%), Fransiya (2,9%), BAA (1,8%), Qirg‘iziston (1,6%), Tojikiston (1,4%) va Pokiston (1,0%). Ushbu davlatlar umumiy eksport hajmining 36,8% ni tashkil etgan.

Qishloq xo‘jaligi mahsulotlari, xususan mevali-sabzavotlar eksporti 1 078,1 ming tonnani tashkil etib, o‘tgan yilning shu davriga nisbatan 7,8% ga yoki 78,4 ming tonnaga oshgan. Eksport hajmi 847,3 million dollarga yetgan bo‘lib, bu 40,5% o‘sishni tashkil etgan. Mazkur mahsulotlar umumiy eksportning 5,0% ni tashkil etgan.

To‘qimachilik mahsulotlari eksporti 1 268,9 million dollarni tashkil etgan. Bu umumiy eksportning 7,5% ni tashkil qilgan bo‘lib, 2024 yilning shu davriga nisbatan 17,0% ga kamaygan. Eksport tarkibida tayyor to‘qimachilik mahsulotlari — 47,8%, pryaja — 32,2% hissasini egallagan.

Xizmatlar eksporti 4 056,4 million dollarni tashkil etgan va umumiy eksportning 24,0% ni tashkil qilib, 2024 yilga nisbatan 29,0% ga o‘sgan. Xizmatlar ichida sayyohlik (51,8%), transport (33,7%), telekommunikatsiya, kompyuter va axborot xizmatlari (8,0%), boshqa biznes xizmatlari (3,0%) ustuvorlik qilgan. Qolgan 3,5% xizmatlar tarkibida esa sug‘urta va pensiya xizmatlari — 1,1%, moliyaviy xizmatlar — 0,9% ni tashkil etgan.

Import hajmi 20 133,2 million dollar bo‘lib, bu 2024 yilning shu davriga nisbatan 7,0% o‘sishni ko‘rsatdi. Import tarkibida asosan mashinalar va transport vositalari — 32,9%, sanoat tovarlari — 16,0%, kimyoviy moddalar — 12,9% ulushiga ega bo‘lgan.

Importdagi o‘sish asosan tovarlar hissasiga to‘g‘ri kelib, ular 18 036,1 million dollarni tashkil qilgan, xizmatlar importi esa 2 070,1 million dollarga yetgan.

Jami hisobda, 2025 yilning birinchi yarmida O‘zbekiston 160 ta davlatdan tovar va xizmatlar import qilgan. Importning katta qismi Xitoy (28,1%), Rossiya (19,8%), Qozog‘iston (7,6%), Koreya Respublikasi (4,1%), Turkiya (4,1%), Germaniya (2,9%) va Hindiston (2,7%) hissasiga to‘g‘ri kelgan.

Xizmatlar importi 2 070,1 million dollarni tashkil qilib, umumiy importning 10,3% ni tashkil etgan va o‘tgan yilning shu davriga nisbatan 30,0% ga oshgan. Unda asosiy ulushni sayyohlik (55,9%), transport (19,4%), telekommunikatsiya, kompyuter va axborot xizmatlari (9,0%), boshqa biznes xizmatlari (5,7%) va boshqalar (10,0%) tashkil qilgan.