Toshkent, O‘zbekiston (UzDaily.uz) — 2025 yil yanvar oyida O‘zbekistonning 959 ta yirik soliq to‘lovchilari davlat byudjetiga 8,5 trln so‘mdan ortiq soliq to‘lagan. Bu haqda Respublika Davlat soliq qo‘mitasi xabar bermoqda.

Ushbu mablag‘ning 4,5 trln so‘mini davlat ulushiga ega bo‘lgan o‘nta yirik korxona to‘lagan bo‘lsa, 1,3 trln so‘m eng yirik xususiy soliq to‘lovchilar hissasiga to‘g‘ri kelgan.

Davlat korxonalari orasida eng katta soliq to‘lovchi Navoiy kon-metallurgiya kombinati (NGMK) bo‘lib, u byudjetga 2,08 trln so‘m o‘tkazgan. Ikkinchi o‘rinni Olmaliq kon-metallurgiya kombinati (AGMK) egallagan — 639,1 mlrd so‘m. To‘rtlikni “O‘zkimyosanoat” (388 mlrd so‘m) va “Navoiuran” (298,5 mlrd so‘m) yopib beradi.

Yirik davlat korxonalari qatoriga shunday tashkilotlar ham kirgan:

Uzbekneftegaz — 279,8 mlrd so‘m

“Hududgaztaʼminot” — 240,3 mlrd so‘m

“O‘zgaztreyd” — 218,3 mlrd so‘m

Asia Trans Gas — 148,5 mlrd so‘m

Aloqabank — 116,5 mlrd so‘m

“O‘ztransgaz” — 111,2 mlrd so‘m

Xususiy sektorda eng katta soliq to‘lovchi UzBAT bo‘lib, u 182 mlrd so‘m to‘lagan. Keyingi o‘rinda ADM Jizzakh (62,2 mlrd so‘m) va Epilson Development (50,6 mlrd so‘m) joylashgan.

Shuningdek, eng yirik xususiy soliq to‘lovchilar o‘ntaligiga quyidagi kompaniyalar kiradi:

Kapitalbank — 48 mlrd so‘m

Hamkorbank — 47,6 mlrd so‘m

Unitel — 47,6 mlrd so‘m

Tashkent Tobacco — 42,3 mlrd so‘m

TBC Bank — 37 mlrd so‘m

Coca Cola Ichimligi Uzbekistan — 36,7 mlrd so‘m

RWS Optimum — 33,5 mlrd so‘m