Toshkent, O‘zbekiston (UzDaily.uz) — O‘zbekistonda oilaviy korxonalar soni ortib bormoqda. Davlat statistika qo‘mitasi maʼlumotlariga ko‘ra, 2025 yil 1 iyul holatiga ko‘ra mamlakatda 38 234 ta oilaviy korxona faoliyat yuritmoqda. Bu yil boshiga nisbatan 1 969 taga ko‘pdir.

Eng ko‘p oilaviy korxonalar savdo sohasida ishlaydi — 15 264 ta. Sanoat sohasida 8 703 ta, yashash va ovqatlanish xizmatlari sohasida esa 7 303 ta oilaviy korxona faoliyat yuritmoqda.

Qishloq, o‘rmon va baliqchilik xo‘jaliklari sohasida 2 649 ta, sog‘liqni saqlash va ijtimoiy xizmat ko‘rsatish sohasida 646 ta, transport va saqlash sohasida 354 ta, qurilish sohasida 299 ta, axborot va aloqa sohasida 245 ta oilaviy korxona ro‘yxatdan o‘tkazilgan. Qolgan boshqa sohalarda esa 2 771 ta korxona faoliyat olib bormoqda.