Toshkent, O‘zbekiston (UzDaily.uz) — Toshkent xalqaro investitsiya forumi doirasida yangi investitsiya platformasi — «O‘zbekistonda iqtisodiy imkoniyatlarni kengaytirish jamg‘armasi» (EEFU) taqdim etildi. Jamg‘armaning umumiy moliyalashtirish hajmi 100 million AQSH dollarini tashkil etadi.

Jamg‘arma xalqaro investitsiya kompaniyasi SEAF tomonidan boshqariladi hamda Islom taraqqiyot banki guruhi, Saudiya taraqqiyot jamg‘armasi va O‘zbekiston Tiklanish va taraqqiyot jamg‘armasi kabi yirik moliya institutlari ko‘magida amalga oshiriladi.

Loyihaning asosiy maqsadi — islomiy (halol) moliya instrumentlari orqali kichik va o‘rta biznes (MHS) uchun moliyalashtirish imkoniyatlarini kengaytirishdan iborat.

SEAF boshqaruvchi direktori Yan Cherim o‘z nutqida taʼkidlashicha, kichik va o‘rta biznes har qanday iqtisodiyot poydevori bo‘lib, ish o‘rinlari yaratish, yangi g‘oyalarni shakllantirish va innovatsiyalarni joriy etishda muhim ahamiyatga ega.

U, shuningdek, O‘zbekistonda islomiy moliyaviy mahsulotlarga bo‘lgan qiziqish barqaror o‘sib borayotganini qayd etib, bu sohani yana-da rivojlantirish zarurligini taʼkidladi.

Jamg‘arma mablag‘lari shariat qoidalariga muvofiq ravishda yo‘naltiriladi va buning uchun O‘zbekistondagi bank tizimidan foydalaniladi.