Toshkent, O‘zbekiston (UzDaily.uz) — 2025-yil 3-iyun kuni O‘zbekiston Respublikasi Investitsiyalar, sanoat va savdo vaziri o‘rinbosari Ilzat Kasimov Xitoyning “Lushang Group” kompaniyasi delegatsiyasi bilan uchrashdi.

Suhbat davomida tomonlar “Lushang Group” ishtirokida O‘zbekistonda amalga oshirilishi mumkin bo‘lgan yirik loyihalar, jumladan, zamonaviy logistika markazlarini barpo etish, farmatsevtika mahsulotlarini ishlab chiqarish va ta’lim muassasalarini tashkil etish tashabbuslarini muhokama qildilar.

“Lushang Group” — 1992-yilda Xitoyning Shandun provinsiyasida tashkil etilgan yirik davlat korporatsiyasi bo‘lib, savdo, tibbiyot, moliya, logistika, ta’lim va investitsiyalar sohalarida faoliyat yuritadi. Kompaniyaning jami aktivlari 185 million AQSh dollariga teng.

Uchrashuv yakunida tomonlar o‘zaro muloqotni kengaytirish muhimligini ta’kidladi va muhokama qilingan loyihalar doirasida amaliy hamkorlikning keyingi bosqichlarini belgilab oldilar.