Toshkent, O‘zbekiston (UzDaily.uz) — O‘zbekiston delegatsiyasi mehnat migratsiyasi masalalari va migrantlar huquqlarini himoya qilish yuzasidan muzokaralar olib borish uchun Rossiyaga jo‘nab ketdi, deb xabar berdi Bosh prokuratura matbuot xizmati.

Delegatsiya tarkibiga Bosh prokuratura, Davlat xavfsizlik xizmati, Tashqi mehnat migratsiyasi masalalari agentligi va boshqa idoralar vakillari kirgan. Ular idoralararo ishchi guruhning ilk majlisida ishtirok etadi.

Joriy yil aprel oyi boshiga qadar Rossiya hududida 6,5 milliondan ziyod xorijlik fuqaro bo‘lgani qayd etilgan. Shuningdek, ularning taxminan 10 foizi mamlakatda noqonuniy ravishda bo‘lgan.

«Migrant Servis» platformasi maʼlumotlariga ko‘ra, Rossiyadagi mehnat migrantlarining taxminan 55 foizini O‘zbekiston fuqarolari, yana 40 foizini Tojikistonliklar tashkil etadi.