Toshkent, O‘zbekiston (UzDaily.uz) — Joriy yilning 8-avgust kuni Senatning Fan, taʼlim va sog‘liqni saqlash masalalari qo‘mitasi raisi Bahrom Abdullayeva Koreya Respublikasi Milliy Assambleyasi Sog‘liqni saqlash va ijtimoiy taʼminot qo‘mitasi raisi o‘rinbosari Li Sun Chjin boshchiligidagi delegatsiya bilan uchrashdi.

Suhbat chog‘ida sog‘liqni saqlash, taʼlim, fan va aholini ijtimoiy himoya qilish sohalarida ikki tomonlama hamkorlikning bugungi holati va uni rivojlantirish istiqbollari muhokama qilindi.

Sog‘liqni saqlash tizimini rivojlantirish, tibbiyot kadrlarini tayyorlash, innovatsion texnologiyalarni tibbiyot amaliyotiga joriy etish, shuningdek, qo‘shma taʼlim va ilmiy loyihalarni amalga oshirish bo‘yicha tajriba almashishga alohida eʼtibor qaratildi.

Uchrashuv yakunlari bo‘yicha faol muloqotni davom ettirish va aholi turmush darajasini oshirishga qaratilgan qo‘shma dasturlarni amalga oshirishga ko‘maklashish bo‘yicha kelishuvga erishildi.