Toshkent, O‘zbekiston (UzDaily.uz) — O‘zbekiston Respublikasi tashqi ishlar vaziri Baxtiyor Saidov Iroq Respublikasi Bosh vaziri o‘rinbosari, tashqi ishlar vaziri Fuad Husayn bilan uchrashdi.

Suhbat chog‘ida tomonlar ikki mamlakat o‘rtasida siyosiy muloqotni rivojlantirish, savdo-iqtisodiy hamkorlikni kengaytirish, gumanitar va madaniy aloqalarni mustahkamlashga o‘zaro intilishlarini tasdiqladilar.

Oliy va yuqori darajadagi aloqalarni faollashtirish, qo‘shma aniq tashabbuslarni amalga oshirish zarurligiga alohida e’tibor qaratildi.

Vazirlar ikki tomonlama munosabatlarda hali foydalanilmagan salmoqli salohiyat mavjudligini ta’kidlab, ularga yangi turtki berishga tayyor ekanliklarini bildirdilar.