Toshkent, O‘zbekiston (UzDaily.uz) — 25-aprel kuni Toshkent shahrida O‘zbekiston Respublikasi Investitsiyalar, sanoat va savdo vaziri Laziz Kudratov Fransiyaning "POMA S.A.S." kompaniyasi vakillari bilan uchrashdi.

POMA S.A.S. — kanatli transport tizimlarini loyihalash, ishlab chiqarish, o‘rnatish va texnik xizmat ko‘rsatishga ixtisoslashgan 80 yildan ortiq tajribaga ega xalqaro kompaniya. POMA S.A.S. ham turizm, ham shahar infratuzilmasini rivojlantirishda faol ishtirok etib, dunyoning 90 dan ortiq mamlakatlarida loyihalarni amalga oshirdi.

Uchrashuvda O‘zbekistonning turizm infratuzilmasini rivojlantirish loyihalarini amalga oshirish, jumladan, respublikaning turistik hududlarida zamonaviy kanat yo‘llarini qurish bo‘yicha hamkorlik istiqbollari muhokama qilindi.