Toshkent, O‘zbekiston (UzDaily.uz) — Joriy yilning 26-iyun kuni O‘zbekiston Respublikasi Investitsiyalar, sanoat va savdo vaziri o‘rinbosari Shohruh Gulamov Ahmed Al Obaykan Group raisi Ahmad Nasser Al-Obaykan bilan uchrashdi.

Muzokaralar chog‘ida turizm sohasi bo‘yicha qo‘shma loyihalarni amalga oshirish imkoniyatlariga alohida e’tibor qaratildi.

Tomonlar loyihalarni yanada rivojlantirishga o‘zaro qiziqish bildirdilar hamda muhokama qilingan hamkorlik yo‘nalishlari bo‘yicha maslahatlashuvlar o‘tkazish va amaliy choralarni ko‘rish doirasida faol hamkorlik mexanizmini ishlab chiqdilar.