Toshkent, O‘zbekiston (UzDaily.uz) — 11 fevral kuni Jakartada O‘zbekiston Respublikasi tashqi ishlar vaziri Baxtiyor Saidov Indoneziya tashqi ishlar vaziri Sugiono bilan uchrashuv o‘tkazdi.

«O‘zbekiston delegatsiyasi nomidan Indoneziya Tashqi ishlar vazirligiga iliq qabul uchun minnatdorchilik bildiramiz. Bugungi kun tartibimiz keng qamrovli bo‘ldi. U barcha hamkorlik yo‘nalishlarini qamrab oldi va yangi imkoniyatlar belgilab berdi. Asosiy maqsad — aloqalarni yangi bosqichga ko‘tarish, do‘stlikni mustahkamlash va xalqlarimizni bir-biriga yana-da yaqinlashtirish. Bizda mustahkam asos va katta salohiyat mavjud», — deb yozdi Baxtiyor Saidov o‘zining Telegram-kanalida.

Uchrashuv yakunlarida tomonlar diplomatik pasport egalari uchun vizasiz rejim haqidagi Bitimni imzolashdi.