Toshkent, O‘zbekiston (UzDaily.uz) — 2025 yil 1 iyul holatiga ko‘ra, O‘zbekiston Respublikasi aholisi soni 37,9 million nafarga yetdi. Bu haqda Milliy statistika qo‘mitasi xabar berdi.

Qo‘mita maʼlumotlariga ko‘ra, mamlakatda 18,8 million nafar ayollar va 19,1 million nafar erkaklar yashamoqda. Shahar aholisi soni 19,3 million nafarni, qishloq aholisi esa 18,6 million nafarni tashkil etdi.

2025 yilning birinchi yarim yilligida 95,3 mingta nikoh qayd etilgan, 23,3 mingta ajrashish holati kuzatilgan.

Tashqi migratsiya sohasida manfiy saldo qayd etilmoqda: mamlakatga 0,7 ming kishi kelgan bo‘lsa, 5,6 ming kishi uni tark etgan.