Toshkent, O‘zbekiston (UzDaily.uz) — 2025 yil 1 yanvar holatiga ko‘ra, O‘zbekiston Respublikasining doimiy aholisi 37,5 million kishini tashkil etdi. Bu haqda Milliy statistika qo‘mitasi maʼlum qildi.

Rasmiy maʼlumotlarga ko‘ra, so‘nggi besh yil ichida mamlakat aholisi 3,6 million kishiga oshgan. 2020 yilda bu ko‘rsatkich 33,9 million kishini tashkil etgan.

Tarixiy maʼlumotlar O‘zbekiston aholisining so‘nggi 100 yil davomida barqaror o‘sib borayotganini ko‘rsatmoqda.

1920 yil — 4,4 million kishi

1950 yil — 6,2 million kishi

1960 yil — 8,4 million kishi

1970 yil — 11,8 million kishi

1980 yil — 15,8 million kishi

1990 yil — 20,2 million kishi

2000 yil — 24,5 million kishi

2010 yil — 28 million kishi

2020 yil — 33,9 million kishi

Bugungi kunda aholi soni 37,5 million kishiga yetib, mamlakat demografik o‘sishining barqaror davom etayotganini tasdiqlaydi.