Toshkent, O‘zbekiston (UzDaily.uz) — Xitoyning Jinjiang shahrida o‘tkazilgan xalqaro ko‘rgazmada O‘zbekiston charm sanoati korxonalari EOPAIA kompaniyasi tajribasi bilan yaqindan tanishdi.

EOPAIA — bu FILA, Zara, Umbro kabi dunyo brendlari bilan ishlaydigan, sifat, texnologiya va dizayndagi yondashuvlari bilan tanilgan yirik ishlab chiqaruvchi.

Uchrashuv davomida O‘zbekiston ishlab chiqaruvchilari uchun bir qator foydali takliflar ilgari surildi:

EOPAIA vakillari xorijiy brendlar uchun mahsulot ishlab chiqarishni aynan O‘zbekistonda yo‘lga qo‘yish tashabbusini ilgari surdi.

Bu esa mahalliy korxonalar uchun subpodryad asosida xalqaro bozorga chiqish imkoniyatini anglatadi.

Brendlash, eksport logistikasi, ekologik standartlar va sifat nazorati bo‘yicha amaliy bilimlar o‘rtoqlashildi.

Hamkorlik masalalari bevosita muzokara shaklida muhokama qilindi.

O‘zbekiston korxonalari esa bu jarayonda nafaqat mahsulot namoyish qildi, balki o‘z salohiyatini to‘liq ochib berdi. Dizayndan tortib, xalqaro sertifikatsiyaga qadar — jahon talablari bilan ishlash bo‘yicha aniq qadamlar tashlandi.

Keyingi qadam bu tashabbuslarni “Made in Uzbekistan” brendini xalqaro darajaga olib chiqishi mumkin bo‘lgan barqaror hamkorlik ko‘rinishida amalga oshirishdan iborat.