Toshkent, O‘zbekiston (UzDaily.uz) — 2025-yil 27-may kuni Adliya vaziri o‘rinbosari Alisher Karimov OECD Davlat boshqaruvi direksiyasi bo‘lim boshlig‘i va katta maslahatchisi Tatyana Teplovani qabul qildi.

Uchrashuvda adliya va huquq sohasida amalga oshirilayotgan islohotlar, “aqlli tartibga solish” (TSTB) tizimi, raqamli adliya, sun’iy intellekt asosidagi “LexAI” chatbot, bepul yuridik yordam va notarial harakatlarni masofadan amalga oshirish kabi innovatsion yondashuvlar muhokama qilindi.

T. Teplova qonunchilikni baholash instituti tashkil etilganini yuqori baholab, “inson manfaatlariga yo‘naltirilgan adliya” tamoyillari muhimligini ta’kidladi va OECD bilan hamkorlikni kengaytirish bo‘yicha takliflar berdi.

Shuningdek, O‘zbekiston vakillarini Ispaniyada o‘tadigan xalqaro forumga taklif qildi.