Toshkent, O‘zbekiston (UzDaily.uz) — O‘zbekistonda O‘tkir respirator virusli infeksiyalar (O‘RVI) tarqalishi haqida ijtimoiy tarmoqlarda tarqalayotgan xabarlar haqiqatga to‘g‘ri kelmaydi. Bu haqda Sanitariya-epidemiologik osoyishtalik va jamoat salomatligi qo‘mitasi raisi o‘rinbosari Nurmat Atabekov maʼlum qildi.

"Hozirgi vaqtda mamlakatda mavsumiy nafas yo‘llari kasalliklari bilan bog‘liq vaziyat barqaror, xavotirga asos yo‘q. O‘RVI bilan kasallanish darajasi kuz-qish va qish-bahor davrida oshadi, lekin bu tashvishga sabab bo‘lmaydi", — dedi Atabekov.

Uning so‘zlariga ko‘ra, oxirgi kunlardagi havo haroratining o‘zgarishi ko‘plab odamlarning kiyinishda ob-havo sharoitlarini hisobga olmasligiga olib kelmoqda. Bundan tashqari, sovuq faslda xonalarda havo almashinuvi kamayishi viruslarning to‘planishiga yordam beradi.

Profilaktika choralari sifatida u fuqarolarga kasallik alomatlari paydo bo‘lganda gavjum joylarga bormaslik, ijtimoiy masofani saqlash va shifokorlar tavsiyalariga amal qilishni tavsiya etdi.

Immunitetni mustahkamlash uchun esa to‘g‘ri ovqatlanishga rioya qilish va ob-havoga mos ravishda kiyinish muhimligi taʼkidlandi.