Toshkent, O‘zbekiston (UzDaily.uz) — O‘zbekiston va Qirg‘iziston o‘rtasida erkin savdo-sanoat zonasi tashkil etiladi, bu esa Andijon viloyati rivojiga xizmat qiladi. Bu haqda Prezident Shavkat Mirziyoyev viloyatning ijtimoiy-iqtisodiy rivojiga bag‘ishlangan yig‘ilishda taʼkidladi.

Davlat rahbari Qo‘rg‘ontepa yoki Xo‘jaobod tumanlarida, shuningdek, Afg‘oniston bilan chegara hududida erkin savdo va sanoat zonalarini tashkil etish muhimligini qayd etdi. Mutasaddilarga tadbirkorlar bilan maslahatlashgan holda eng maqbul joyni aniqlash va bosh reja ishlab chiqishni boshlash topshirildi.

Yig‘ilishda Xo‘jaobod tumanidagi “Do‘stlik” nazorat-o‘tkazish punktida yuzaga kelayotgan tirbandliklar muammosi ham ko‘rib chiqildi.

Shavkat Mirziyoyev qisqa fursat ichida bu muammoning sabablarini aniqlab, aniq takliflar ishlab chiqishni vazifa qilib qo‘ydi.

Prezident Andijon viloyatidan Qirg‘izistonga eksport hajmi yiliga 200 million dollarga yetishayotganini taʼkidlab, bu borada ikki davlat o‘rtasida savdo va sanoat kooperatsiyasini rivojlantiradigan maxsus zona tashkil etish zarurligini alohida qayd etdi.