Toshkent, O‘zbekiston (UzDaily.uz) — Kuni kecha "O'zeltexsanoat" uyushmasida AQShning nufuzli "McKinsey" kompaniyasi vakillari bilan uchrashuv bo'lib o'tdi.

Uchrashuvda Iqtisodiyot va moliya vazirining o‘rinbosari Axadbek Xaydarov, “O‘zeltexsanoat” uyushmasi boshqaruvi raisi Mirziyod Yunusov, uyushma raisi o'rinbosari Faridun Abdualimov, "McKinsey" kompaniyasining Afrika, Yaqin Sharq, Turkiya va MDHdagi operatsiyalari rahbari Sergey Sokolov, kompaniyaning Markaziy Osiyodagi moliya va telekommunikatsiya loyihalari rahbari Rustam Shanazarov va boshqalar ishtirok etdilar.

Mamlakatimizda elektronika va elektrotexnika strategiyasini ishlab chiqish bo'yicha hamkorlik qilish masalalari mazkur uchrashuvda muhokama qilindi.