Toshkent, O‘zbekiston (UzDaily.uz) — Joriy yilning 25-aprel kuni Investitsiyalar, sanoat va savdo vaziri Laziz Kudratov Koreya-O‘zbekiston ishbilarmonlar uyushmasi raisi o‘rinbosari Kim Chang Kyung bilan uchrashdi.

Suhbatda shaharsozlik, savdo va ijtimoiy infratuzilma obyektlarini qurish loyihasini amalga oshirish bo'yicha kelgusidagi chora-tadbirlar muhokama qilindi.

Xorijiy tomon konstruktiv suhbat uchun minnatdorlik bildirib, investitsiyalar sohasidagi hamkorlikni yanada kengaytirishga katta qiziqish bildirdi.

Uchrashuv yakunlari bo‘yicha tomonlar loyihani amalga oshirish mexanizmlari va muddatlarini kelishib oldilar.