Toshkent, O‘zbekiston (UzDaily.uz) — "Chirchiq" Kimyo- industrial texnoparkida "LABCREATOR" kompaniyasining ochilish marosimi bo'lib o'tdi. Bu haqda texnopark matbuot xizmati xabar berdi.

Kompaniya kimyo laboratoriyalari uchun erituvchilar prekursorlarini qadoqlash va saqlashga ixtisoslashgan.

Loyihaning asosiy ko'rsatkichlari:

- Investitsiyalar hajmi: birinchi bosqichda 1 million AQSh dollari;

- Ishlab chiqarish quvvati: yiliga 8,7 tonna mahsulot;

- Tayyor mahsulotni ichki bozorga sotish – 100%;

- Ish o‘rinlari: yuqori malakali mutaxassislar uchun 7 nafar yangi ish o‘rinlari yaratildi.

Ishlab chiqarish korxonasi zamonaviy va yuqori texnologik jihozlar bilan ta'minlangan bo‘lib, bu xalqaro standartlarga mos sifatli mahsulot ishlab chiqarishni kafolatlaydi.