Toshkent, O‘zbekiston (UzDaily.uz) — 2024-yil 18–21-may kunlari Koreya xalqaro hamkorlik agentligi (KOICA) vitse-prezidenti janob Hong Seok Hwa O‘zbekistonga rasmiy tashrif bilan keldi. Tashrif doirasida u mavjud ikki tomonlama rivojlanish tashabbuslari bilan tanishib chiqdi hamda kelgusidagi hamkorlik yo‘nalishlarini muhokama qildi. 

18–19-may kunlari janob Hong KOICA ko‘magida 2016-yilda tashkil etilgan muhim loyihalardan biri — Samarqand kasb-hunar markaziga tashrif buyurdi. Markaz tashkil etilganidan beri KOICA Keimyung kollej universiteti bilan hamkorlikda 2019-yildan boshlab davlat-xususiy sheriklik loyihasi doirasida muntazam salohiyat oshirish dasturlarini amalga oshirib kelmoqda. Bundan tashqari, KOICA markazga bilimlarni yetqazish uchun bir necha ko‘ngillilarni yuboradi. Markaz har yili taxminan 600 nafar talabani tayyorlab, 200 dan ortiq mahalliy kompaniyalar bilan hamkorlik orqali 95% dan yuqori ishga joylashish ko'rsatkichiga erishmoqda. Bitiruv marosimida vitse-prezident Xon O‘zbekistonning katta salohiyatini ta’kidladi va KOICA tomonidan yoshlarni kasbiy ko‘nikmalar orqali rivojlantirishga bo‘lgan sadoqatini yana bir bor tasdiqladi.

20-may kuni Toshkentda u Bandlik va kambag‘allikni qisqartirish vaziri o‘rinbosari Alisher Muratov bilan uchrashdi. Janob Hong KOICA tomonidan tashkil etilgan kasb-hunar markazlarining, xususan yaqinda Prezident Mirziyoyev tashrif buyurgan Urganch markazining faoliyatini qo‘llab-quvvatlagani uchun vazirlikka minnatdorlik bildirdi. Shuningdek, u KOICA tomonidan milliy malaka sertifikatlash tizimini joriy etish bo'yicha ko'rsatilayotgan qo'llab-quvvatlashni ta'kidlab, kasb-hunar ta'limi tizimining uzoq muddatli barqarorligini ta'minlash uchun vazirliklar darajasida hamkorlikning ahamiyatini qayd etdi.

Tashrif doirasida janob Hong ikki yangi Muhokamalar bayonnmasi (R/Ds) imzolanish marosimlarida ishtirok etdi. Birinchi loyiha — “O‘zbekiston Jahon iqtisodiyoti va diplomatiya universitetida (UWED) onlayn ta’lim tizimini rivojlantirish va Kiber-universitet tashkil etish uchun muhit yaratish” bo‘lib, uchta fakultetda raqamli infratuzilma va elektron ta’lim tizimini joriy etishni ko‘zda tutadi. Ikkinchi loyiha — “ O‘zbekistonda intellektual mulk sohasida davlat boshqaruvi tizimini takomillashtirish ” — Adliya vazirligi bilan hamkorlikda, vazir o‘rinbosari Muzraf Ikramov ishtirokida imzolandi. Loyiha zamonaviy raqamli va sun’iy intellektga asoslangan vositalar orqali intellektual mulkni boshqarish tizimini modernizatsiya qilishga qaratilgan. 

Janob Hong Prezident Mirziyoyev rahbarligida O‘zbekistonda davlat boshqaruvi sohasida jadal raqamli transformatsiya jarayonlarini olqishladi va KOICA loyihalari ushbu islohotlarga sezilarli hissa qo‘shishiga umid bildirdi. Shuningdek, bu tashabbuslar Koreyaning Markaziy Osiyoda innovatsiyalar va rivojlanish tajribasi asosida o‘zaro farovonlikka xizmat qiluvchi keng qamrovli “K-Silk Road” hamkorlik konsepsiyasini hayotga tatbiq etishda asos bo‘lishi mumkinligini ta’kidladi.