Toshkent, O‘zbekiston (UzDaily.uz) — Isroil hududida raketali hujumlar xavfi kuchaygani munosabati bilan O‘zbekiston Respublikasining Isroildagi Elchixonasi mamlakat fuqarolariga, vaqtinchalik yoki doimiy yashayotganlarga rasmiy ogohlantiruv bilan chiqdi.

Elchixona tomonidan eʼlon qilingan murojaatda o‘zbekistonliklarga xavfsizlik choralariga qatʼiy rioya qilish va Isroil rasmiy organlarining ko‘rsatmalariga amal qilish qatʼiy tavsiya etilgan.

Fuqarolar uchun asosiy tavsiyalar:

Havo hujumi sirenasi yangraganda, darhol eng yaqin bomba boshpanalariga yoki maxsus jihozlangan boshpana joylariga joylashish.

Isroil hukumati, orqa front qo‘mondonligi va O‘zbekiston elchixonasining rasmiy axborot kanallarini muntazam kuzatib borish.

O‘zingiz bilan shaxsingizni tasdiqlovchi hujjatlar va Elchixona bilan bog‘lanish uchun aloqa maʼlumotlarini saqlash.

Elchixona vakillari zarur hollarda darhol murojaat etish zarurligini alohida taʼkidlashdi.

Favqulodda yordam telefonlari :

03-672-2466

03-672-2371

03-758-5075

03-758-5076

Favqulodda va shoshilinch xabarlar uchun: 054 485 1397

Elektron pochta: il.uzembassy@mfa.uz