Toshkent, O‘zbekiston (UzDaily.uz) — O‘zbekiston Iqtisodiyot va moliya vazirligi ish haqi, pensiya va nafaqalar oshirilishi haqidagi tarqatilayotgan xabarlarni asossiz deb atadi.

“Ayni paytda ijtimoiy tarmoqlarda ish haqi, pensiya va nafaqalarning 2025-yil 1-martdan va 1-avgustdan 10 foizga oshirilishi to‘g‘risida tarqalayotgan xabarlar haqiqatga to‘g‘ri kelmasligini ma’lum qilamiz,” – deyiladi vazirlikning rasmiy bayonotida.

Vazirlikning ta’kidlashicha, ish haqi va pensiyalar bo‘yicha har qanday rasmiy ma’lumotlar tegishli davlat organlarining rasmiy manbalari orqali e’lon qilinadi.

Fuqarolarga faqat ishonchli manbalarga tayanish va tasdiqlanmagan axborotni tarqatmaslik tavsiya etildi.