Toshkent, O‘zbekiston (UzDaily.uz) — Freedom House tashkiloti tomonidan tuzilgan siyosiy va fuqarolik erkinliklari reytingida O‘zbekiston 100 dan 12 ball oldi va Markaziy Osiyo davlatlari orasida uchinchi o‘rinni egalladi.

Freedom House metodologiyasiga ko‘ra, O‘zbekiston hali ham "erkin bo‘lmagan davlatlar" qatoridan chiqmagan, biroq uning ko‘rsatkichlari yil sayin yaxshilanmoqda. Masalan, 2020 yilda respublika 10 ball to‘plagan bo‘lsa, 2017 yilda atigi 3 ballga ega edi.

Tashkilot tahlilchilari O‘zbekistonda siyosiy huquqlar darajasini 2 ball, fuqarolik erkinliklarini esa 10 ball deb baholadi.

Markaziy Osiyo davlatlari orasida O‘zbekiston Tojikiston (5 ball) va Turkmanistonni (1 ball) ortda qoldirdi. Shu bilan birga, Qozog‘iston 23 ball to‘pladi.

Hududdagi eng erkin mamlakat Qirg‘iziston bo‘lib, u 26 ball oldi. Biroq 2020 yilda uning ko‘rsatkichi 39 ball edi.

2025 yilda dunyodagi eng erkin davlatlar sifatida Finlyandiya, Norvegiya, Yangi Zelandiya va Shvetsiya tan olindi. AQSH 84 ball, Rossiya esa 12 ball oldi.