Toshkent, O‘zbekiston (UzDaily.uz) — O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Milliy iqlim o‘zgarishi markaziga Farrux Kuchqar o‘g‘li Sattarov direktor etib tayinlandi. Bu haqda vazirlik buyrug‘iga asosan qaror qabul qilindi.

Farrux Sattarov 1986 yil 28 iyul kuni Jizzax shahrida tug‘ilgan. U 2007 yilda Toshkent davlat texnika universitetida bakalavr darajasini olgan, 2023 yilda esa Tadbirkorlik va biznesni rivojlantirish oliy maktabini magistratura bosqichida tamomlagan.

Yangi lavozimga tayinlanishidan avval Ekologiya, atrof-muhitni muhofaza qilish va iqlim o‘zgarishi vazirligining «Ekologik siyosat» departamentini boshqargan. Shuningdek, o‘z faoliyati davomida O‘zbekiston Savdo-sanoat palatasi, Davlat ekologiya va atrof-muhitni muhofaza qilish qo‘mitasi, “O‘zstandart” agentligi va boshqa qator tashkilotlarda turli lavozimlarda ishlagan.