Toshkent, O‘zbekiston (UzDaily.uz) — Farg‘ona viloyati bojxona boshqarmasi xodimlari xalqaro aeroportda qimmatbaho metalni noqonuniy olib chiqishga urinish holatini fosh qilishdi.

Bojxona idorasi matbuot xizmati maʼlum qilishicha, chet elga yo‘l olgan yo‘lovchilardan biri shubhali harakatlari bilan eʼtiborni tortgan.

Shaxsiy ko‘rik jarayonida, zamonaviy skaner uskunasi (Body Scanner) yordamida ayol shaxsda umumiy og‘irligi 250 grammni tashkil etuvchi uchta oltin quymasi borligi aniqlangan. Ushbu quymalarni u yashirin tarzda, tananing noinsof joyiga joylashtirib, mamlakat hududidan olib chiqishga uringan.

Dastlabki bahoga ko‘ra, ushbu olib qo‘yilgan oltinning qiymati taxminan 358 million so‘mni tashkil etadi.

Hozirda mazkur holat yuzasidan protsessual tekshiruv ishlari olib borilmoqda.