Toshkent, O‘zbekiston (UzDaily.uz) — 

Centrum Air aviakompaniyasi Samarqand – Sochi yo‘nalishi bo‘yicha muntazam to‘g‘ridan-to‘g‘ri parvozlarni amalga oshirishni boshladi.

Ushbu yangi yo‘nalish Samarqand aholisi va mehmonlari uchun Rossiyaning Qora dengiz bo‘yida joylashgan mashhur kurort shahri Sochiga qulay borish imkonini yaratadi.

Jadvalga ko‘ra, parvozlar haftasiga ikki marta — chorshanba va shanba kunlari amalga oshiriladi.

Samarqand xalqaro aeroportidan uchish — soat 05:05

Sochiga yetib borish — soat 06:50

(Har ikki aeroport vaqti mahalliy vaqtga ko‘ra ko‘rsatilgan).

Ushbu yo‘nalishning ochilishi O‘zbekiston va Rossiya Federatsiyasi o‘rtasidagi sayyohlik hamda ishbilarmonlik aloqalarini rivojlantirishga xizmat qiladi va yo‘lovchilar uchun mavjud havo yo‘nalishlari geografiyasini kengaytiradi.