Toshkent, O‘zbekiston (UzDaily.uz) — Centrum Air aviakompaniyasi 2025 yil 23 iyundan boshlab Novosibirsk va Namangan o‘rtasida to‘g‘ridan-to‘g‘ri aviaqatnovlarni amalga oshiradi. Bu haqda Novosibirskning Tolmachyovo aeroporti rasmiy Telegram-kanalida xabar qilindi.

«Tolmachyovo aeroporti va Centrum Air aviakompaniyasi quyoshli Namanganga (O‘zbekiston) to‘g‘ridan-to‘g‘ri reyslarni yo‘lga qo‘yadi. Davr: 2025 yil 23 iyun — 23 oktyabr», — deyiladi xabarda.

Parvozlar haftada ikki marta — dushanba va payshanba kunlari amalga oshiriladi:

Novosibirskdan: uchish — soat 09:00 (Moskva vaqti 05:00), Namanganga yetib kelish — soat 09:35 (Moskva vaqti 07:35).

Namangandan: uchish — soat 03:25 (Moskva vaqti 01:25), Novosibirskka yetib kelish — soat 08:00 (Moskva vaqti 04:00).

Yo‘ldagi vaqt — 2 soat 35 daqiqa. Reyslarga Airbus samolyotlari xizmat ko‘rsatadi.

Centrum Air — O‘zbekistonda 2023 yilda hukumat tashabbusi bilan tashkil etilgan xususiy aviakompaniya bo‘lib, u nafaqat yo‘lovchi, balki yuk tashish xizmatlari bilan ham shug‘ullanadi. Kompaniya ichki va xalqaro yo‘nalishlar bo‘yicha o‘z parvoz tarmog‘ini jadal kengaytirmoqda.