Toshkent, O‘zbekiston (UzDaily.uz) — 29-aprel kuni O‘zbekiston Respublikasi Investitsiyalar, sanoat va savdo vaziri Laziz Kudratov Rossiyaning “Arnest UniRus” kompaniyasi bosh direktori Elena Tyabutova bilan uchrashuv o‘tkazdi.

"Arnest UniRus" kompaniyasi Rossiyadagi eng yirik kosmetika va maishiy kimyo ishlab chiqaruvchilardan biri bo'lib, "Black Pearl", "Chistaya Liniya", "Barxatnye Ruchki", "Lesnoy Balzam" kabi taniqli brendlar ostida keng iste'molchi auditoriyasi uchun mo'ljallangan kosmetika, kremlar va gigiena vositalarini ishlab chiqaradi.

Sanoat kooperatsiyasini kengaytirish imkoniyatlariga alohida e'tibor qaratildi. Shuningdek, tomonlar mavjud hamkorlikni yangi bosqichga ko‘tarish maqsadida muloqotni davom ettirishga tayyor ekanliklarini tasdiqladilar.